رۆژی دووشەممە وەزیری وزەی سعودیە رایگەیاند کەمکردنەوەی کاریگەری بەرهەم لەسەر نرخ لە دەوروبەری ١٩,٥ ملیۆن بەرمیلی رۆژانەیە. بەرەچاوکردنی ئەوەی کە وڵاتانی هاوپەیمانی ئۆپیک پلەس رێژەیەکی بێوێنە بەرهەم کەمدەکەنەوە و بەڵێنەکانی وڵاتانی ج٢٠ و کڕینی نەوتی زیاتر لە بازاڕ لەبەرچاودەگیرێت.
رۆژی هەینی رابوردوو هاوپیمانی ئۆپیک پلەس رێکەوتن لەسەر کەمکردنەوەی بەرهەم بەڕێژەی ٩,٧ ملیۆنی رۆژانە و وڵاتەکانی ئەمەریکاو کەنداو نەرویجیش بەیەکەوە بڕی ٣,٧ ملیۆن بەرهەم کەمدەکەنەوە لەلایەکی ترەوە ئاژانسی وزەی نێودوڵەتی رایگەیاند بری ٢٠٠ ملیۆن بەرمیل کراوە بۆ دوومانگی ئایندە بەمەبەستی ئەمبارکردن.
شازادە عبدالعزیز رایگەیاند کە سعودیە ئامادەیە ئاستی بەرهەمی لەورێژەیەی بۆ دیاری کراوە کە ٨.٥ ملیون بەرمیلی رۆژانەیە زیاتر کەم بکاتەوە لەچەند مانگی ئایندە دا، ئەگەر هاوکاری و هەماهەنگی بەردەوام بێت و وڵاتانی تریش هاوتەریب بن لەگەلمان.
هەروەها وەزیرەکەی سعودیە رایگەیاند جاودێری کەم بونەوە یان بوژانەوەی خواست دەکەین ، وە وتی ژمارەکان رۆژانە گۆرانیان بەسەردێت، دەبێت بەوریاییەوە مامەڵە بکەین ،چونکە تائێستا لە ئایندەو کریگەریەکانی قایرۆسەکە دڵنیانین وە تاکەی بەردەوام دەبێت. بڕیارە مانگی حوزەیران هاوپەیمانییەکەی ئۆپیک پلەس جارێکی تر کۆ ببێتەوە بۆ هەڵسەنگاندنی بارودۆخەکە لەڕێگەی ڤیدیۆ لینکەوە.
هەروەها لەلایەکی ترەوە هەر ئەمرۆ دۆناڵد ترەمپ لە دوو چریکەدا (تویت) رایگەیاند کە پیشەسازی نەوت دەبوژێتەوە زۆر لەوە خێراتر کە خاوبیەوە وهەروەها ووتی وڵاتانی ئۆپیک ئاستی کەمکردنەوەی نەوتیان بۆ ٢٠ ملیۆن بەرمیلی رۆژانە دادەبەزێنن. قسەکانی وەزیری نەوتی سعودیەو دۆناڵد ترامپ بە یەک ئاڕاستە بوو بۆ هێورکردنەوەی بازاڕ.ئەمە لەکاتێکدایە هێشتا لە ئەمەریکا قوربانیەکانی کۆڤید ١٩ لە هەڵکشانی زۆر خێرایە و هندستانیش کە سێهەم گەورە بەکاربەری نەوتە لە جیهان، مانەوە لەماڵ و قەدەغەی هاتوچۆی تا ٢١ رۆژی تر درێژکردەوە . لە هەمانکاتدا ئیسپانیا بەنیازە بە قۆناغبەندی بەربەستەکانی بەردەم هاتوو جۆ و ئاسای بونەوەی ژیان هەڵگرێت. وڵاتانی تری ئەوروپا بەرە و لوتکە دەچن گەر بەوشێوەی ئێستا بەردەوام بێت ئەگەر هەیە لەچەند هەفتەی ئایندەش لە شوێنەکانی تر هەمان هەنگاوی ئیسپانیا بنرێت. هەرچەند ڕێکخراوی تەندروستی جیهانی هۆشداریدا و داوای کرد هەرهەنگاوێکی هاوشێوە دەبێت زۆر بەوریاییەوە بنرێت
سود وەرگیراوە لە
بلومبێرگ، فاینەنشەڵ تایمز، رۆیتەرز، تویتەری دۆناڵد ترامپ
