ڕوونبین
لە پێشوازی کەمال ئەتروشی وەزیری سامانە سروشتییەکانی هەرێمدا وەزیری نەوت ئیحسان عبدالجبار رایگەیاند پێشوازیی لەهەماهەنگی وەزارەتی نەوت لەگەڵ وەزارەتی سامانە سروشتییەکانی هەرێمی کوردستان دەکات و ئامادەیی وەزارەتەکەی بۆ کارکردن بۆ لابردنی هەموو کێشەو گرفت و سنوورێکی تەکنیکی و دارایی بۆ پاراستنی ئەو سامانە نیشتمانییە دەربڕی کەهی هەموو گەلی عێراقە وەک لەدەستووردا هاتووە.
ئیحسان عەبدولجەبار ئیسماعیل وەزیری نەوت لە میانەی کۆبوونەوەی لەگەڵ کەمال حەمید ئەتروشی وەزیری سامانە سروشتییەکان ڕایگەیاند کە حکومەتی فیدراڵ و وەزارەت جەخت لەسەر پێویستیی مامەڵەکردن بە شەفافییەت تەواو دەکاتەوە لە بەڕێوەبردنی سامانی نەوت لە تەواوی عێراقدا و کار بۆ چارەسەرکردنی کێشە هەڵواسراوەکاندەکاتەوە لە ڕێگەی دیالۆگ و ئاڵوگۆڕی بیرو ڕا و ڕێزگرتن لە بۆچوونەکان لە گەڵ ئەوەی بەرژەوەندی نیشتمانیان بخرێتە سەرووی هەموو بەرژەوەندییەکانەوە.
وەزیری نەوت هیوای خواست دیدارو دیالۆگەکان لەگەڵ هەرێم بەتایبەتی دوای دەستبەکاربونی بەرێز ئەتروشی ببێتە هۆی کردنەوەی لاپەڕەیەکی نوێی دیالۆگی جددی بۆ چارەسەرکردنی کێشە هەڵپەسێردراوەکان و خزمەتکردنی گەلی عێراق لەباکوورەوە بۆ باشوور ، بەپێی ئەو دەقە دەستووریانەی کەمافی پارێزگاو هەرێمەکان ڕێکدەخات.
لە کاتێکدا کەمال ئەتروشی وەزیری سامانە سروشتییەکان جەختی لەسەر هاوکاری هاوبەشی لەگەڵ وەزارەتی نەوت و حکومەتی فیدراڵ کردەوە، و پێکەوە کار بکەین بۆ کردنەوەی ئاسۆی نوێ لە پەیوەندییە دوو قۆڵییەکان بە ئاراستەی وەبەرهێنانی گونجاوی سامانی نیشتمانی لە تەواوی عێراقدا و کار لەسەر پەرەپێدانی کێڵگەکانی نەوت و گاز و دامەزراندنی پڕۆژەی هاوبەش و تەواوکاری کە ببێتە هۆی باش بەکاربردنی سامانی نەوت لە بەرژەوەندی گشتی.
ئەتروشی ئاماژەی بەوەدا کە لە میانەی کۆبونەوەکەدا لەگەڵ وەزیری نەوت و بەرپرسانی وەزارەت هەستی بە تێگەشتن و هەماهەنگی زۆر کردووە بۆ چارەسەرکردنی هەموو کێشە هەڵپەسێردراوەکانی نێوان ناوەند و هەرێم ، هەروەها چالاککردنی ڕێککەوتننامە نوێیەکان کە زامنی هەماهەنگی یە بۆ گەشەپێدانی پیشەسازی نەوت و گاز بۆ پاڵپشتی کردنی ئابووری نیشتمانی و گەشەپێدانی بەردەوام .
