روونبین

بەپێی راگەیەندراوێک کە وەزارەتی نەوتی عێراق بڵاوی کردووەتەوە ئاماری کۆتایی هەناردەی نەوتی عێراق بۆ مانگی شوباترادەگەیەنێت کە داهاتی نەوت بریتی بووە لە (7) ملیار و (62) ملیۆن دۆلار.

بەپێی ئاماری کۆتایی کۆمپانیای بەبازاڕکردنی نەوتی عێراق (سۆمۆ)، بڕی هەناردەی نەوتی خاو بریتی بووە لە (92) ملیۆن و (255) هەزار و (610) بەرمیل (نەوەد و دوو ملیۆن و دوو سەد و پەنجا و پێنج هەزار و شەش سەد و دە بەرمیل)، بە داهاتی (7) ملیار و (62) ملیۆن و (704) هەزار دۆلار (حەوت ملیار و شەست -دوو ملیۆن و حەوت سەد و چوار هەزار دۆلار). لە ئامارەکەدا ئاماژە بەوە کراوە کە کۆی گشتی بڕی هەناردەکراوی نەوتی خاو بۆ مانگی شوبات لە کێڵگە نەوتییەکانی ناوەڕاست و باشووری عێراق (89) ملیۆن و (140) ملیۆن و (140)هەزار و (448) بەرمیل بووە، لە کاتێکدا بڕی هەناردەکراوی نەوتی کەرکوک لە ڕێگەی بەندەری جەیهانەوە (2) ملیۆن و (834) هەزار و (393) بەرمیل بووە. وە تێکڕای نرخی هەر بەرمیلێک (76,556) دۆلار بووە.

بەتێکڕا هەناردەی عێراق لەمانگی شوباتدا ڕۆژانە ٣ ملیۆن و ٦٩٠ هەزار و ٦١٠ بەرمیل نەوت بووە.

بڕە هەناردەکراوەکان لەلایەن (35) کۆمپانیای نێودەوڵەتی جیاوە بارکرابوون، لە بەندەرەکانی بەسرە و خور الزوبەیر و بەندەری جەیهانی تورکیاوە.

جێگای سەرنجە وەزارەت مانگانە ئاماری نەوتی هەناردەی داهاتەکەی بەشێوەیەکی بەردەوام بڵاو دەکاتەوە.