کۆمەڵەی پێشەسازیی نەوتی کوردستان (ئەپیکور) رایگەیاند، کۆمپانیاکانی کۆمەڵەکەیان ئامادەن دەست بە هەناردەکردنەوەی نەوتی هەرێمی کوردستان بۆ تورکیا بکەنەوە، بەڵام بەمەرجێک، رێککەوتنێک بکرێت، کە گرێبەستی کارکردنی ئەوان لەبەرچاو بگیرێت پێدانی و شایستەکانیان مسۆگەربکات و دەستوەردانی سیاسی نەکرێت.

ئەمڕۆ یەکشەممە (23ـی شوباتی 2025) کۆمەڵەی پێشەسازیی نەوتی کوردستان (ئەپیکور) کە لە  کە ئەندامانی ئەو کۆمپانیا نێودەوڵەتیانەن و وەبەرهێنان لە بواری نەوتی گازی هەرێمی کوردستاندا دەکەن، لە پەیامێکدا لە تۆڕی کۆمەڵایەتیی ئێکس لەبارەی گفتوگۆکانی نێوان هەرێمی کوردستان و حکومەتی عێراق، رایگەیاند

“وەک چەندین جار ئاماژەمان پێدا، کۆمپانیا ئەندامەکانی ئەپیکور ئامادەن لە ڕێگەی بۆری عێراق-تورکیا دەست بە هەناردەکردنی نەوت بکەنەوە، هەرکاتێک ڕێککەوتنێک کرا کە بارودۆخی گرێبەستی و بازرگانی و ئابووریی ئێستای کۆمپانیا ئەندامەکانمان بپارێزێت.

کۆمەڵەکە لە راگەیاندنەکەیدا دەڵێت “ئێمە هەوڵ دەدەین لەگەڵ حکومەتی عێراق و حکومەتی هەرێمی کوردستان ڕێککەوتنی نووسراوی فرۆشتن و بارکردن بکەین کە شەفافیەت لە پارەدان و دڵنیایی بەبێ دەستوەردانی سیاسی مسۆگەر دەکات.

کۆمپانیاکانی ئەندامی ئەپیکور پابەندن بە کارکردن لەگەڵ هەموو لایەنە پەیوەندیدارەکان بۆ گەیشتن بە بڕیارێکی خێرا و قازانجی هەردوولا. ئێمە هاوڕاین لەگەڵ لێدوانەکەی سەرۆکوەزیرانی عێراق کە لە ٢٢ی شوباتدا ڕایگەیاندبوو کە خێراکردنی هەناردەکردنی نەوت لە ڕێگەی بۆری عێراق-تورکیاوە بەشدار دەبێت لە “…بەهێزکردنی ئابووری عێراق و دابینکردنی پێداویستییەکانی هاووڵاتیانی”. ئاییکۆر وادەڵێت.