▪️ رۆژی ٢٦ی ئازاری ٢٠٢٥  کۆمپانیای بی پی و حکومەتی عێراق گرێبەستی دووبارە گەشەپێدانی کێڵگەکانی کەرکوک واژۆ کرد.

▪️ کۆمپانیای بی پی ڕەزامەندی کۆتایی حکومەتی وەرگرتووە بۆ گرێبەستەکەی بۆ وەبەرهێنان لە دووبارە گەشەپێدانی چەند کێڵگەیەکی زەبەلاحی نەوتی کەرکوک لە باکوری عێراق.

گرێبەستی نێوان کۆمپانیای نەوتی باکوور (NOC) و کۆمپانیای غازی باکوور (NGC) و بی پی bp بریتییە لە نۆژەنکردنەوە و دووبارە گەشەپێدانی کێڵگەکان، کە کەرتی نەوت و گاز و کارەبا و ئاو دەگرێتەوە، لەگەڵ ئەگەری وەبەرهێنان لە گەڕان و پشکنین Exploration .

ڕێککەوتنی کۆتایی لە میانی کۆبوونەوەیەکدا لە بەغدا بە ئامادەبوونی محەمەد شیاع سودانی، حەیان عەبدولغەنی، جێگری سەرۆکوەزیرانی عێراق بۆ کاروباری وزە و وەزیری نەوت، و مورای ئۆچینکلۆس، بەڕێوەبەری جێبەجێکاری بی پیbp، لەگەڵ نادر زەکی، سەرۆکیڵ بی پی لە ڕۆژهەڵاتی ناوەڕاست و باکووری ئەفریقا، و زەید ئەلیاسیری، سەرۆکی بی پی عێراق واژۆ کرا.

“بی پی مێژوویەکی دوور و درێژی لە عێراق هەیە، ئێمەش بەوپەڕی خۆشحاڵییەوە چاوەڕێی بنیادنانی زیاتر لەسەر  ئەم میراتە دەکەین لەکاتێکدا  دەست دەکەین بە خولێکی نوێ  لە بەرهەمهێنان لە وڵاتدا.” مۆرای ئۆچینکلۆس

 بەڕێوەبەری جێبەجێکاری بی پی  مۆرای ئۆچینکلۆس وتی: “بی پی مێژوویەکی دوور و درێژی هەیە لە عێراق، و ئێمە چاوەڕێی بنیاتنانی زیاتر لەسەر ئەم میراتە دەکەین لەکاتێکدا دەست دەکەین بە خولێکی نوێی بەرهەمهێنان لە وڵاتدا.

هەر لە واژۆکردنی یاداشتنامەی لێکتێگەیشتن لە ساڵی ڕابردووەوە تا ئێستا تەواوکردنی ڕێککەوتنەکە ، ئێمە بە پەرۆشین بۆ ئەوەی بتوانین دەست بە کارەکانمان بکەین. لەگەڵ هاوبەشەکانمان، ئامانجمان گەیاندنی ئۆپەراسیۆنە ئاست بەرزەکانی جیهانە لەڕێگەی تێکەڵکردنی زانیاری قووڵی ناوخۆیی لەگەڵ ئەزموونمان لە بەڕێوەبردنی بوارە زەبەلاحەکان و جێبەجێکردنی پڕۆژە گەورەکان بە شێوەیەکی سەلامەت”.

ئاماژەی بەوەشکردووە، “ئەمە دەرفەتێکی گەورەیە بۆ گەشەپێدانی بازرگانی نەوت و غازی بی پی، کە  تەواوی هاوتەریبە لەگەڵ ستراتیژی ئێمە بۆ بەهێزکردنی پۆرتفۆلیۆی  گەڕان و پشکنینمان upstream”.

دوای پەسەندکردنی تەواوی ڕێککەوتنەکە، بی پی لە ژێر چاودێری حکومەت کاردەکات بۆ دامەزراندنی کۆمپانیایەکی سەرکاری نوێ – ڕێکخراوێکی تۆمارنەکراوی نافەرمییە- کە بە شێوەیەکی سەرەکی لە ستافی کۆمپانیای نەوتی باکور NOC و  کۆمپانیای غازی باکور NGC پێکهاتووە، هەروەها ستافی BPی پاڵپشتکراو – بۆ ئامادەکاری بۆ قۆناغە سەرەتاییەکانی گەشەپێدان.

ڕێککەوتنەکە تایبەتە بە قۆناغێکی سەرەتایی و بەرهەمهێنانی نەوت و غازی زیاتر لە سێ ملیار بەرمیل هاوتای نەوت لەخۆدەگرێت. ڕێککەوتنەکە قوبەی بابا و ئاڤانا لە کێڵگەی نەوتی کەرکوک و سێ کێڵگەی تەنیشت یەکتر دەگرێتەوە کە بریتین لە” بای حەسەن و جەمبور و خەباز” لە عێراقی فیدراڵ کە لە ئێستادا لەلایەن کۆمپانیای نەوتی باکورەوە بەڕێوەدەبرێن.

پێدەچێت دەرفەتی گەورەتر لە سەرانسەری گرێبەستەکە و ناوچەکانی دەوروبەریدا تا ٢٠ ملیار بەرمیل نەوتی هاوتا لەخۆبگرێت.

وەک بەشێک لە ڕێککەوتنەکە، قەرەبووکردنەوەی بی پی پەیوەست دەبێت بە قەبارەی بەرهەمهێنانی زیادە، نرخ و تێچووی زیادە. کۆمپانیای بی پی دەتوانێت پشکێک لە بەرهەمهێنان و یەدەگەکان تۆمار بکات کە گونجاوبێت لەگەڵ ئەو پارەیەی کە بەدەستی دەهێنێت بۆ یارمەتیدانی زیادکردنی بەرهەمهێنان.

وەبەرهێنان لە پرۆژەکەدا توانای درووستکردنی دەرفەتی ئابووری و گەشەسەندنی هەیە لە دەڤەری کەرکوک – درووستکردنی سوودی بەرجەستە بۆ دانیشتوانی ناوخۆیی، باشترکردنی تواناکانی زنجیرەی دابینکردن، و ڕەخساندنی هەلی کارێکی نوێ.