روونبین

• ڕەزامەندی دەربڕدرا بۆ هەناردەکردنی نەوتی کەرکووک لەگەڵ نەوتی هەرێم لە ڕێگەی بۆری (هەرێم–جەیهان).
• ڕێککەوتن کرا لیژنەیەکی هاوبەش پێکبهێنرێت بۆ دەستپێکردنی هەنگاوە تەکنیکی و کارگێڕییەکان و دەستپێکردنی هەناردەکردن بۆ بازاڕی جیهانی.
• هەردوو لا ڕێککەوتن لەسەر ڕێکارییە ئاسایشییەکان بۆ پاراستنی کێڵگەکان و بەردەوامی هەناردەکردن.

لە ١٧ی ئاداری ٢٠٢٦ کۆبوونەوەیەکی هاوبەش لە نێوان حکومەتی فیدڕاڵیی عێراق و حکومەتی هەرێمی کوردستان ئەنجامدرا سەبارەت بە هەناردەکردنی نەوت. ئەم کۆبوونەوەیە پاش بڵاوکردنەوەی چەند ڕاگەیاندنێک بوو لە لایەن هەریەک لوەزار وتی نەوتی عێراق و چەند فرکسێۆنێکی پەرلەمان لە لایەک و وەزارەتی سامانە سروشتییەکان لە لایەکی تر سەبارەت بە هەناردەی نەوتی کەرکوک لە ڕێگای بۆری نەوتی هەرێمی کوردستان و چ نۆ پێشمەرگەی کە هەرێم ئاماژەی پێکردبوو لە

ڕاگەیاندنەکەیداەقی ڕاگەیاندنەکە

ڕاگەیاندراوێک لە شاندی دانوستانکاری حکومەتی هەرێمی کوردستان سەبارەت بە هەناردەکردنی نەوت

ئەمڕۆ، ١٧ی ئاداری ٢٠٢٦، کۆبوونەوەیەکی هاوبەش لە نێوان حکومەتی فیدڕاڵیی عێراق و حکومەتی هەرێمی کوردستان ئەنجامدرا، تایبەت بە بابەتی هەناردەکردنی نەوت لە کێڵگە نەوتییەکانی کەرکووک و دەستپێکردنەوەی هەناردەی نەوتی هەرێمی کوردستان لە ڕێگەی بۆری گواستنەوەی نەوتی هەرێم بۆ بەندەری جەیهانی تورکیا.

لە سەرەتای کۆبوونەوەکەدا، شاندی دانوستانکارى حکومەتی هەرێمی کوردستان، لە چوارچێوەی شەراکەتی دەستووریی و لە سۆنگەی هەستکردن بە بەرپرسیاریەتی نیشتیمانی، جەختی کردەوە لەسەر ئامادەیی تەواوی هەرێمی کوردستان بۆ گرتنەبەری هەر ڕێکار و هەنگاوێک کە ببێتە هۆی زیادکردنی داهاتی گەنجینەی گشتی و چارەسەری قەیرانی دارایی، بە تایبەتی لەم بارودۆخە هەستیارەی ئێستای ناوچەکەدا، بە مەبەستی دابینکردنی مووچە و بژێوی و خزمەتگوزارییە گشتییەکان.

حکومەتی هەرێمی کوردستان ڕەزامەندی خۆی دەربڕی بۆ هەناردەکردنی نەوتی کێڵگەکانی کەرکووک، هاوتا لەگەڵ نەوتی کێڵگەکانی هەرێم، لە ڕێگەی بۆڕی نەوتی هەرێم – جەیهان.

بۆ ئەم مەبەستە، هەردوو حکومەت ڕێککەوتن لەسەر ئەوەی لیژنەیەکی هاوبەش لە وەزارەتی نەوتی حکومەتی فیدڕاڵیی و وەزارەتی سامانە سروشتییەکانی هەرێم پێکبهێنن، بۆ دەستپێکردنی هەنگاوە تەکنیکیی و کارگێڕییە پێویستەکان، بە مەبەستی دەستپێکردنی هەناردەکردنی نەوت لە سبەینێوە بۆ بازاڕە جیهانییەکان لە ڕێگەی بۆری هەرێم، لەگەڵ گەڕانەوەی داهاتی فرۆشتنی نەوتی هەناردەکراو بۆ گەنجینەی گشتی فیدڕاڵ.

هەروەها، هەردوو لا ڕێککەوتن لەسەر گرتنەبەری ڕێکارییە ئاسایشییە پێویستەکان بۆ پاراستنی سەلامەتی کێڵگە نەوتییەکان و دڵنیابوون لە بەردەوامی هەناردەکردنی نەوت.

حکومەتی هەرێمی کوردستان دووبارە جەخت دەکاتەوە کە درێغی ناکات لە گرتنەبەری هەر ڕێکارێکی پێویست بۆ هاوبەشیی و پشتیوانی هەوڵەکان بۆ بەرەنگاربوونەوەی قەیرانە داراییەکان لە سەرتاسەری عێراق، بە ئاڕاستەی دابینکردنی داهاتی پێویست بۆ خەرجییە گشتییەکان و دابینکردنی مووچە، بژێوی و خزمەتگوزارییە بنەڕەتییەکان.

شاندی دانووستانکاری حکومەتی هەرێمی کوردستان
١٧ـی ئازاری ٢٠٢٦